Gleðilega páska :D

p.s mikið andskoti voru United góðir í dag, usssss, Liverpool sá ekki til sólar :D

kv.Davíð

Það er nokkuð ljóst að eina leiðin til að fiska einhver komment upp úr lesendum þessarar síðu er með því að segja frá neyðarlegum atvikum tengdum jógatímum eða einhverju þess háttar....því miður lesandi góður þá var það bara svona one time thing, enda hef ég ekki farið aftur eftir það......

Ég er bara aðeins of eirðalaus akkúrat núna og nenni ekki að lesa fleiri greinar og hvað þá skrifa um leiðindar efni tengt ritgerðinni þannig að ég ætla bara að pirrast aðeins í þér....

Kv Gerður Rún

Þá erum við loksins komin í smá frí ef frí skal kalla. Við erum sem sagt ekki á leiðinni heim í sæluna heldur bíður okkar mun skemmtilegra verkefni hér….ritgerðasmíð. Ég verð nú að segja að þetta er nú allt að blessast ágætlega, hjá mér allavega, það er að segja hvað varðar ritgerðarefnið: Analysis of Structured bonds. Fyrstu fannst mér þetta frekar dulll en svo fór ég að lesa alls konar skýrslur og greinar og veistu þetta er bara nokkuð athyglisvert…..er að reyna að sjá allavega eitthvað jákvætt við það sem ég er að fara að eyða páskafríinu í J

En að allt öðru, í október í fyrra festi ég kaup á tölvu hérna í DK bara þessi fínasta tölva eða svo ég hélt…ný hp vél, nett og sæt. Ég ákvað að festa líka kaup á auka tryggingu svona just in case því að gæinn í búðinni sannfærði mig um að það borgaði sig algerlega, ef ég missti tölvuna og hún skemmdist þá fengi ég glænýja…bara flott mál….síðan þá eru búin að vera eintóm vandræði með hana. Á fimmtudaginn fer ég svo með tölvuna í þriðja sinn síðan hún var keypt því að skjárinn var dottinn út í annað sinn….meiriháttar og ritgerðaskil eftir 3 vikur. Ég lendi á þessum líka mesta yndi af manni (sölumanni á ég nú við….) hann hringdi nokkur símtöl og sagði svo, ég ætla að láta þig hafa nýja tölvu….þó svo að trygging gilti bara ef ég kæmi með tölvuna 3 sinnum út af sömu biluninni (helv….smáa letur alltaf hreint). Anyways, þar sem þeir áttu ekki á lager alveg sömu vél og ég átti þá splæsti hann bara í stærri, nýrri, flottari og töluvert dýrari vél handa mér í staðin J ekki slæmt það.

Í kvöld erum við að fara í matarboð til Margrétar og Helga, allt of langt síðan við höfum hitt það sæta par, þannig að það verður gaman að catch up í kvöld.

Ég veit að það er ekki búin að vera nein uppfærsla á myndasíðunni og það er ástæðan fyrir því, mér tókst sem sagt að taka bara hleðslutækið af myndavélinni með mér til baka um jólin þannig að myndavélin varð eftir. En við vorum að fá svaka flottann paka að heiman og þar á meðal var myndavélin þannig að ég lofa að vera dugleg að taka myndir og henda þeim inn. En aftur að pakkanum, við fengum svakalegar kræsingar sendar í stærðarinnar pakka í gær, cheerios, pítusósur, pylsur, hangiálegg og síðast en ekki síst páskaegg….algerlega ómissandi. Reyndar er varla hægt að segja að þetta hafi verið mikið egg þegar það kom á leiðarenda en súkkulaði var það þó og það er það eina sem skiptir máli hehehe…..Takk kærlega fyrir okkur

kv Gerður Rún

Jújú, við erum alveg á lífi sko. Það er bara nóg að gera hjá okkur þessa dagana, skóli, ræktin, borða, Gerður fer á handboltaæfingar og á meðan hlamma ég mér fyrir framan sjónvarpið og tek smá David time á þetta. Við erum búin að taka ákvörðun um að koma ekki heim um páskana, þar sem við þurfum bæði að skila ritgerðum eftir páska sem mikilvægt er að leggja smá vinnu í. Við fengum úthlutað ritgerðarefnum, og þau voru svona líka skemmtileg, ég fékk úthlutað Factor Analysis of the Yield Curve og Gerður fékk Analysis of Structured Bonds. Ég verð nú að segja að Gerður var örlítið heppnari en ég með topic, þar sem hún er með tiltölulega frjálsa hendi með sitt dæmi en ég þarf að gera tölfræðilega útreikninga og sannanir á því hvað veldur breytingum á vaxtarkúrvunni. FRÁBÆRT!!!! En já, hvað meira, jú við Gerður millifærðum 750.000 ísk yfir á okkar danska reikning hérna úti og þá var gengið á DKK 13,130. Við biðum og biðum eftir peningnum og svo loksins kemur hann inn á reikninginn, 5.617 DKK, smá misskilningur því að það átti að vera 56.170 eða eitthvað álíka inni á reikningum. Við hringjum í Glitni og þeir skilja ekki neitt í þessu. Jæja einn fyrirtækjafulltrúi sem sér um svona færslur fór í málið og sagðist ætla að redda þessu fyrir okkur. En síðan veikist íslenska krónan þvílíkt og Glitnir millifærir 675.000 yfir til okkar á miklu hærra gengi eða um 13,6 og því erum við að tapa um 30.000 ísk á þessu rugli hjá þeim og þau eru að reyna að kenna okkur um þessi mistök. Þetta er ekki sniðugt, maður er að tapa mikilvægum peningum hérna!!!!!! Við erum með kvittun uppá 750.000 kr færslu en þau eru að reyna að segja að við höfum gert mistök með því að taka ekki fram hvers konar gjaldmiðill þetta væri sem við erum að senda í. Bíddu, við erum að senda þetta til DK inn á danskan reikning, hvað er þá málið, api er fljótari að læra. Það er nú eitthvað verið að reyna að græja þetta fyrir okkur heima en ef ekkert er gert verður strákurinn spinnigal.

Jæja, það er farið að vora hérna í DK all svakalega, á leiðinni heim úr skólanum í dag var fólk bara úti í garði að grilla og læti, maður hjólaði framhjá mega svangur og svo kom grill ilmurinn beint upp í nasirnar á manni (ekki þær minnstu) og ég fékk bara bón... ég meina, ég varð enn hungraðari.

Svo sprakk á fáknum mínum rétt fyrir helgina, svona er þetta þegar maður gerir grín að öðrum þegar það springur hjá þeim, helvítis KARMA. What goes around comes around :( búinn að græja þetta og kominn á fulla ferð aftur :D  

Þetta var bara svona smá yfirferð, svona alla vega til að láta vita að við erum við góða heilsu og borðum vel.

Until next time
David