Já, ég held að málið sé bara að slúffa þessari bloggsíðu for good. Fólk er farið að eyða tíma sínum meira og meira á facebook og tel ég því að það sé bara hið besta mál. Þar getur fólk séð hvað maður er að gera (e.g status update), hvort maður hafi hent inn einhverjum nýjum myndum og ég veit ekki hvað. Þannig að ég er á því að þessi síða hafi sungið sitt síðasta. Megi okkar leiðir liggja saman á facebook og msn ;)

góðar stundir,
kv.Davíð

p.s. við munum koma heim til Íslands 21.des og vera til 9.jan :) 

http://www.mbl.is/mm/vidskipti/frettir/2008/09/29/rikid_eignast_75_prosent_i_glitni/ eða þetta http://www.mbl.is/mm/vidskipti/frettir/2008/09/29/kronan_i_frjalsu_falli/

rétti tíminn til þess að "skrifa" fyrstu færsluna í marga marga mánuði.....

kv. Davíð

Jújú, elskulega Gerður Rún mín er 23 ára í dag, veeeeeiiii!!!! Vildi bara henda inn eins og einni stuttri færslu til að óska henni til hamingju með daginn. Ég veit ekki hvort að það verður nokkuð gert í tilefni dagsins, en það kemur í ljós. Við munum samt ábyggilega skella okkur á alvöru leik í kvöld, KR-Valúrch, vonandi að KR-ingar haldi uppteknum hætti og, eins og Jónas Guðni Sævarsson fyrirliði KR sagði: ,,Ég sé ekki neina ástæðu til þess að gera annað en halda þessu áfram, halda hreinu, Bjöggi skori og við vinnum leikinn. Þetta er búinn að vera fín blanda og maður vonar að það gangi upp."

Jæja, gott veður er úti, ég sit inni og ætla mér að fara að vinna í mæjóinu ;)

þar til næst,
Davíð

Hæbb, við erum víst komin á klakann, vorum mætt á föstudagsmorgun kl.9 eftir að hafa eitt einni góðri kvöldstund með Oddi og Kristínu í Köben áður en við komum. Svo hefur tekið við smá hittingur hingað og þangað, Gerður skellti sér beint á Snæfellsnes með Svarta Túlipananum og svo í bústað þannig að ég hef verið "einn" í bænum og tjekkað bara á strákunum á meðan, ekki leiðinlegt það :D

En alla vega þá býst ég ekki við því að það verði alltof mikið af bloggi á meðan við verðum á klakanum. Ekki það að síðan hafi verið eitthvað alltof virk síðustu 2 mánuði ;) En við munum ábyggilega reyna að henda inn einhverjum myndum svo þegar líður á sumarið......

Þannig að ég ætla bara að segja bless í bili, njótið sumarsins og við hlökkum til að hitta ykkur

kv.Davíð

p.s. ég held að facebook sé góður samskiptamáti fyrir sumarið :D

Það eru próf í gangi núna, maður er að verða eins og afturganga í framan og afturendinn er búinn að missa allan sinn kúlusjarma sem hann átti hérna um árið. En það að vera eins og afturganga ætti ekki að eiga við rök að styðjast ef tekið er tillit til eftirfarandi greinar http://www.mbl.is/mm/frettir/erlent/2008/05/31/solrikasti_manudur_i_danmorku/ sem birtist á mbl.is í dag. Þetta er bara rugl. Maður verður alla vega að reyna að ná smá base-tani áður en maður kemur heim. Það styttist óðum í að við komum heim og tilhlökkunin er ekkert að leyna sér. Ekki nema 20 dagar í það að við munum heiðra ykkur á klakanum með nærveru okkar. Þegar við lendum á djöflaeyjunni sem skelfur víst bara 6 komma eitthvað á richter, þá eru liðnir nákvæmlega 5 mánuðir og 18 dagar frá því að við vorum þar síðast. Ef ég verð að vera hreinskilinn (ekki eins og einhver sé að biðja mig um það eeeeeen) þá er þessi tími búinn að vera alveg fáránlega fljótur að líða, sem er held ég jákvætt...... En sumarið á eftir að verða það besta í manna minnum held ég, maður á eftir að pína sig í einn tvo hittinga með lýðnum og sjá KR verða.......ekki neitt. Það er bara vonandi að veðrið verði eitthvað í svipan við það sem það var í fyrrasumar. En það vill oft verða að ef það er gott veður hérna í DK þá er það ekkert spes heima.....og þar sem það er spáð heitasta sumri í Evrópu í nærri 150 ár í sumar þá gæti þetta orðið eitthvað mis þar sem þessar spá ná aldrei yfir atlantshafið og inn á klakabúntið Ísland........neinei þetta verður fínt, Davíð stay positive. 

Gerður liggur núna úti á svölum og er að lesa fyrir prófið sem er á mánudaginn (management accounting) og ég er að skirfa eitthvað bull inn á einhverja bloggsíðu til að staðfesta það fyrir lesendum þessarar síðu að eigendur hennar séu enn á lífi, eru þetta góð skipti.....? Tana eða halda áfram að rotna? Við höfum lokið við eitt stk. próf, og það var á þriðjudaginn síðasta, mjöööög svo leiðinlegt próf en ég held að það hafi bara gengið ágætlega. Ekki nema 4 kvikindi eftir og svo Í-S-L-A-N-D. Mjööööög jákvætt, mjööööög. Mjöööööög hverjum datt þetta orð í hug? Tekið frá dönum/norsurunum/svíunum eða......meget......mycket......eitthvað rugl.......useless pæling....... 

Á morgun á Einar tengdó afmæli og því alveg við tækifæri að óska honum svo early til lukku með daginn, svo veit ég að það er verið að halda upp á afmæli litlu sætustu frænku minnar í dag, hennar Maríu Lífar. Það er ótrúlegt hvað hún er að stækka hratt, komin með eina tönn og læti. Svo sá ég hana á svona webcall á msn í gær og hún er farin að teygja sig upp í loft til að sýna hvað hún er orðin stór.......bara svona ef enginn er búinn að ná því á þessum skrifum þá sakna ég hennar smá :) Hún nær að fylla sitt fyrst ár núna á fimmtudaginn þeas. 5.júní. Maður er búinn að missa af aðeins ooooof miklu með hana, það er svona eitt af downsides af því að búa hérna úti......ekki það að mér líði eitthvað illa.......ég meina það er fínt að búa hérna.......hættið að reyna að sálgreina mig.....aaaaaaaaaaa!!!!!!

Jæja, ég verð víst að fara að halda áfram að morkna.......
Davíð

p.s. það er einhver lýður úti í garði að leika sér í fótbolta og drekka bjór og svona.........það ætti að banna gleði á meðan maður er í prófum........bless

Það er óhætt að segja að sumarið er sko komið í Árósum, hitinn er ekki búinn að fara niður fyrir 20°C núna síðustu daga og ekki grét hún tengdó nú það....Já hún Olga kom í heimsókn í litla kotið okkar í síðustu viku og fór frá okkur á fimmtudaginn. Hún fékk ekkert smá gott veður og er hún lifandi sönnun fyrir því sjálf....alveg massa kaffibrún...sjálf er ég farin að lyftast aðeins við allavega fell ekki lengur inn í vegginn, eins og staðan var orðin á tímabili...og Davíð bara same old same old þarf ekki heldur mikið til að verða eins og Spánverji (skyjiði biturleikann).

Það sem var á dagskránni á meðan fröken fix var hjá okkur var í stuttu máli: sólbað, versla, bjór, Den Gamle By, Sushi, Botaniske Have og hér kemur smá brot af því besta

Það sem er framundan núna er að loka sig inni, missa alla uppsafnaða brúnku og lesa lesa og lesa.....

Við erum komin með nýja myndasíðu eftir að hafa fengið athugasemd um að það væri ekki hægt að kommenta á myndirnar á picasa :)

Gott í bili
Gerður

já það má svo sem segja að maður sé bara nokkuð hress sérstaklega þar sem United er komið í úrslit meistaradeildarinnar. Svakalegt mark hjá Scholes, þetta ætti að vera bannað. En alla vega svona smá update á því sem er að gerast hérna í DK. Veðrið er nú aðeins farið að taka kipp, búið að vera í kringum 20° síðustu daga, þó svo að það sé rigning núna ;) Það er farið að vera heitt úti þó svo að það sé skýjað, sem er mjöööög jákvætt.

Svo styttist bara óðum í prófin, mánuður í þetta, á meðan þið heima eruð flest að fara ða klára eða alla vega byrjuð. Þannig að það fer að styttast í það að maður fari að loka sig inni og týna sér í bókunum. Við Gerður ákváðum að gera okkur smá dagamun um daginn og skelltum okkur á Restaurant Soya, japanskan stað sem okkur var bent á að kíkja á. Okkur var sagt að þeir væru með besta sushi í heimi þannig að við gátum ekki setið á okkur með að kíkja á hann. Svona fyrir Margréti (sem er líklegust að kíkja hingað næst) þá verðum við að fara þangað aftur!! Þetta er by far besta sushi sem við höfum fengið, fáránlega gott. Það var vel útilátið og ég veit ekki hvað, bara himneskt (soldið gay að ég sé að tala um þetta svona) :D Alla vega þá varð ég að taka mynd af matnum okkar á nýja iPhone-inn  minn ;) 



Jæja, svo er mútta komin til okkar og mun vera hjá okkur til 8.maí, það verður stuð á þessum bæ þangað til. Vonandi að við fáum almennilegt veður á meðan, svo við getum skellt okkur í garðinn (Botaniske Have) og svona.

Alla vega, þá var þetta bara svona smá update á aarhus-ar lífinu
kv.Davíð

p.s. Gerður er búin að uploada einhverjum myndum, mars og apríl held ég ;)

Það sem hefur drifið á daga okkar hér í DK er nú ekki svo mikið, lífið bara gengur sinn vanagang. Ég var reyndar að verja mína ritgerð á þriðjudaginn og gekk það bara vonum framar, mikið stress og mikill skjálfti þegar maður stendur fyrir framan bekkinn sinn og illa talandi, slefandi Ítala, sem er með yfirumsjón í þessu fagi....ÁN GRÍNS fyrst þegar ég talaði við hann þá hélt ég að ég hefði farið mannavillt og þetta væri soldið-mikið-eftir-á frændi hans. Nei nei svona að öllu gríni slepptu þá er hann ótrúlega klár, veit allt um allt, og með doktorsgráðu í tölfræðitengdri hagfræði eða eitthvað því um líkt.....hvernig honum tókst að mennta sig skil ég ekki því maðurinn getur ekki myndað eins og eina setningu rétta, hann gleymir að kyngja munnvatninu sem gerir það að verkum að hann byrjar nánast að slefa, sjáið hann fyrir ykkur... er mér að takast að gera ykkur það ljóst hvernig þessi maður er??? Þrátt fyrir þessa mál-fötlun sína stoppar það hann ekki í að koma með spurningar og gagnrýna mann í tímanum, gagnrýni er bara af hinu góða....svo lengi sem þú skilur hvað er verið að gagnrýna þig fyrir og getur þar af leiðandi svarað fyrir þig, enda er það það sem þessi tími gengur út á....aaaarrrgggg....ANYWAY eftir að hafa staðið þarna, að mér fannst eins og hálfviti, í 40 mínútur þá fæ ég það komment frá honum að hann var mjög sáttur með ritgerðina og að ég mætti búast við að fá góða einkunn.....það er nú ekki hægt að vera annað en sátt við að heyra það J

Það er óhætt að segja að sumarið sé komið í Árósum, dagurinn í dag er búinn að vera alveg meiriháttar og þá er ekki hægt annað en að brosa framan í lífið og hætta að pirra sig á svona hlutum eins og slefandi Ítölum. Í staðinn er bara málið að fara að grilla og hafa það huggulegt eins og planið er.....

Ég get ekki beðið eftir að koma heim í sumar, það hefur ekki verið að gera mér gott að hafa ekki farið heim um páskana....söknuðurinn er alveg í hámarki.....en ég hef svo mikla trú á þessu sumari þetta á eftir að vera besta sumar ever J

Gott í bili,
Gerður Rún

Ég get ekki setið á mér að tala um gærdaginn (sunnudaginn 13. apríl), það má segja að þessi dagur hafi verið mjöööög ánægjulegur í alla staði fyrir okkur Gerði. Dagurinn var tekinn snemma, þar sem við í SF Heklu áttum okkar fyrsta leik í mótinu. Hann var nokkur erfiður viðureignar þessi leikur, völlurinn slæmur og eitthvað vesen. En engu að síður náðum við að knýgja fram sigur, 2-0 eftir að strákurinn lagði upp bæði mörkin. Ég tognaði aftan í læri í síðustu viku og er búinn að vera að vesenast aðeins með það þannig að ég ætlaði mér nú ekkert að spila, en svo þegar um 70 mín. voru liðnar af leiknum varð maður aðeins að kíkja inná, fyrsta touch, klobba einhver dúdda og set hann síðan fyrir á Atla, 1-0 hekla. Svo 10 mín. seinna næ ég að sóla einhverja sultu á kantinum, og tek síðan slakasta hlaup allra tíma (var ekki mikið að lengja á skrefunum) og lagði hann síðan fyrir á Claxton sem hamraði hann í netið, 2-0. Svo fór ég útaf :D. Þannig að sigur vannst í fyrsta leik. Mjööööög jákvætt. Síðan að öllu mikilvægari hlutum, United vs. Arsenal. Niðurstaðan, 2-1 sigur hjá mínum mönnum og þar með búið að útiloka Arsenal frá toppbáráttunni. Síðan er það bara að vinna Chelsky eftir 2 vikur og þá erum við safe :P Eftir United leikinn fór ég niður í íþróttahús að horfa á Gerði spila seinni umspilsleikinn sinn, og vitið menn Gerður og hennar lið eru komnar upp í næstu deild fyrir ofan. Þeim nægði í raun að tapa leiknum með 8 eftir góðan sigur í síðasta leik, en þær voru nú ekki á þeim buxunum og unnu leikinn með 4 mörkum og flæddi kampavínið um allt inni í klefa hjá þeim. Svo til að toppa daginn ákvaðum við að grilla og kom Íris með mjög gott ribeye og svína tornados með sér og shjitttt hvað þetta var geggjað. Það er fáránlega gaman að geta farið að grilla aftur :D Svo eftir mat tókum við smá spil (ég, Gerður, Íris og Elvar (Íris og Elvar eru einsömul í augnablikinu, báðir makarnir erlendis)) sem heitir partners, mjög skemmtilegt spil. Þannig að þessi dagur var bara mjög góður í alla staði og um að gera að blogga aðeins um hann :D

jæja, það var ekki meira í bili
kv.Davíð

p.s. mæli með að Gerður taki nú næstu færslu ;) 

Okei, kominn tími á að tjá sig að einhverju leyti. Það er margt sem hefur drifið á okkar daga síðust vikurnar, þó má segja að ritgerðasmíð hafi tekið hva mestan toll. Við vorum eins og ALLIR ættu að vita að skrifa ritgerðir í fagi sem nefnist Seminar in Business Studies. Ég (Davíð) skilaði minni inn 25.mars og þurfti síðan að verja hana 2 vikum seinna eða nánar tiltekið í síðustu viku. Það gekk allt saman bara vel og vonast maður til að fá einkunn í samræmi við það. Gerður mun verja sína ritgerð á þriðjudaginn næsta og vona ég að hún eigi bara eftir að massa þetta.

Við skelltum okkur til Köben helgina eftir páska til að hitta Kvennó-stelpurnar mínar, þar sem þær ákváðu að kíkja til DK í tilefni að afmælinu hennar Siggu sem á heima í Köben. Við fengum húsaskjól hjá Oddi og Kristínu, en ég held að við hefðum ekki getað valið verri helgi fyrir þau að fá okkur, bæði að vinna á fullu en það reddaðist allt saman. Mjög fín ferð í heild sinni, gaman að láta sjá sig og sjá aðra. Við urðum vitni að því að vasaþjófur var að reyna að ræna eldri konu þegar við vorum að fara inn í strætó, einhver kona sem var við hliðina á henni sá þetta og öskraði að konunni að hann væri með hendina ofan í veskinu hennar og svo öskraði hún á þjófinn að hann ætti að drulla sér í burtu, allt mjög gaman ss. En já mikið fjör og mikið gaman. Við þurftum reyndar að fara mjööööög snemma heim með lestinni á sunnudagsmorguninn þar sem Gerður var að fara að keppa. Við ss. lögðum af stað kl.6 um morguninn og var ekkert nema fullt lið með okkur í lestinni. Svo þegar við vorum komin í Roskilde, kemur einhver gaur inn, mjööög ölvaður og virtist vera eitthvað laskaður, öskrar: Ég gerði þetta ekki, ég gerði þetta ekki. Svo koma nokkrir gaurar á eftir honum og reyna að rífa hann út úr lestinni. Hann kemur inn í vagninn hjá okkur og hendir sér á gólfið og heldur í stólpa sem er að heldur borðinu milli sætanna. Einhverjir gaurar eru að reyna að ná honum út en ekkert gengur. Gamall maður sem sat við hliðina á okkur Gerði stendur upp (by the way, algjör afi sko) og labbar að gaurnum, við höldum að hann ætli kannski að tala hann aðeins til, enn neeeeeei, hann sparkar í hausinn á stráknum sem liggur og allt varð kreisí í vagninum. Endaði með því að gamli fór aftur í sætið sitt og löggan þurfti að koma og fjarlægja strákinn. Síðan í næsta stoppi 20 mín. seinna (í Ringsted) kemur löggan aftur inn og labbaði leitandi um vagninn, stoppaði síðan hjá okkar röð og bað gamla um að koma með sér. Greinilega búið að kæra hann fyrir líkamsárás eða eitthvað. Ss. það er bara rugl að koma þarna á Sjálandið sko, betra bara að halda sig hérna á Jótlandi :P

Næsta mál á dagskrá er að það er búið að bóka far heim í sumar. Við munum koma að morgni 20.júní til Íslands, og við munum vera á klakanum til 1.sept. Þannig að maður ætti að ná smá tíma í gleðinni :D Vera á staðnum þegar Ívar og Helga eignast eitt stk. lítið kvikindi. Við byrjum í prófum 27. maí, á svona svipuðum tíma og allir heima á Íslandi eru búnir að vera að vinna í 2 vikur. Svo klárum við prófin 18.júní, gleði gleði gleði.

Og síðasta topic-ið er það að elskulegur litli bróðir minn á afmæli í dag, 11.apríl, hann er orðinn 22 ára litli strákurinn í fjölskyldunni. Þetta er bara rugl. Jæja, Ívar minn, til hamingju með daginn elskulegur :* svo vill maður nú líka kasta kveðju á Evu hans Ágústar sem átti nú ammæli 8.apríl, til lukku, svo er Ósk 24 ára á morgun, til lukku með það, svo eru ábyggilega endalaust margir sem eiga afmæli núna á næstu dögum, þá segi ég bara yfir höfuð til lukku ;)

jæja, ég held að þetta sé komið semi nóg í bili,
vonast til að það verði ekki langt í næstu færslu, Gerður segir þá kannski frá því að þær séu að komast upp í næstu deild fyrir ofan, þar sem þær unnu í gær með 9 mörkum og seinni leikurinn er á sunnudag. Þannig að þeim nægir að tapa með 8 til að komast áfram :D

jæja, búið í bili,
kv.Davíð